اوروم نیوز، فارس خبر آژانسی‌نین اورمیه‌دن وئردییی راپورا گؤره، چهارشنبه گونو اوستون لیگین والیبال مسابقهلرینین یئددینجی هفته‌سینده تماشاچی ایله دولو اولان اورمیه‌نین آلتی مین نفرلیک الغدیر استادیوموندا اورمیه‌نین شهرداری تیمی قوناق تیمی اولان وزارت دفاع تیمینی اوچ سئت دالبادال مغلوب ائتدی.
بو اویوندا، اورمیه حامد رضایی، شهرام محمودی، پوریا فیاضی، سعید معروف، نیکلای نیکولوف، میلاد عبادی‌پور و عبدالرضا علیزاده ایسه آزاد اویونچو عنوانیندا و جهانگیر سید عباسی‌نین باش مشقچی‌لییی ایله وزارت دفاع تیمینین فرهاد نفرزاده مشقچی‌لییی ایله قارشیلاشدی.
ایلک سئت وزارت دفاع‌نین گنج اویونچولارینین اورمیه تیمی ایله بیرگه قاباغا گئدن اویونو ایله باشالاسادا سونوندا اورمیه اویونچولارینین قبول ائدیجی اویونلاری ایله ۲۵-۲۲ نتیجه‌سیله سونا چاتدی.
ایکینجی سئتده ده اورمیه تیمی یاخشی چالشماسی ایله اولدن آرانی اچاراق ۲۵-۱۸-ه سونا چاتدیردی. آنجاق اوچونجو سئتده فرهاد نفرزاده‌نین گنج یولداشلاری یاخشی اویون نمایشه قویدولار آما اورمیه‌نین تجربه‌لی اویونچولاری شهرمام محمودی‌نین یاخشی اویونو ایله ۲۵-۲۲-ه قازاندیلار. اورمیه بو غلبه ایله ان چوخ امتیازی آلاراق ۱۸ امتیاز ایله والیبال‌ین اوستون لیگینین یاریم فصلینده قهرمان اولدو.
خبرین سونو/
