عراقین اربیل شهریندن مکه یه اوچان اوچاقدا عراقین تهلوکه سیزلیک قوه لری نئچخ نفر داعش عضوونو یاخالاییبلار.
اوروم نیوز، اهل بیت خبر آژانسی نین یازدیغینا اساسلاناراق حج مراسملری اوچون اربیلدن عربستانا گئدن بیر اوچاق تهلوکه سیزلیک ندنلری ایله باغداد هاوا لیمانیندا یوخلاماق اوچون یئندیریلیب.
مسافرلری یوخلاما زمانی نئچه نفر داعش تئروریستلرینه باغلی شخصلر توتوقلانیب. بو شخصلر ۱۷۰۰ شیعه طلبه نی اؤلدورمکده سوچلانیرلار.
ماراقلی سی بودورکی، اربیل باغدادین بو آنتی تئرور عملینه رئاکسیا وئریب و بو نوع عمللردن کوردوستان بؤلگه سینین وقف باخانی اؤز نیگرانلیغینی بیلدیریب.
قئید ائدک کی عراقین تهلوکه سیزلیک قوه لری بیلدیریبلر کی بو داعش عضولری تئرور تشکیلاتی نین اشغال ائتدیگی منطقه لرده یاشاییرمیشلار و اربیل واسطه سی ایله عربستانا حج مراسملری اوچون گئتمک ایسته ییرمیشلر.
