_222977.jpg)
اوروم نیوز ، محمد جوان مهر مخبری ایله دانیشیق‌دا، بو ایلین ایلک ۸ آییندا بوشانمانین یوزده ۱۴ چوخالماسینادا اشاره ائدرک دئدی: بو گؤستریر سوروملولار (مسئول‌لار) بو اجتماعی مسئله‌لری حل‌لی اوچون بیر فیکیر قیلمالیدیرلار.
او، ولایتده کئچن سککیز آی ایچینده ۲۲ مین ۱۳۷ ائولیلیک قید اولوبدور و کئچن بو ایلکی زامانا گؤره یوزده ۷ آزالماسینا اشاره ائدیب آرتیردی: آیریجا بو مدت‌ده اوچ مین ۹۳۹ بوشانما ایسه قیده آلینیب‌دیر و بودا کئچن ایلکی زامانا گؤره یوزده ۱۴ چوخالیبدیر.
جوان، ولایتده ده‌یرلندیرمه‌لر نتیجه‌سینده جمعن هر آلتی ائولیلیک‌دن بیری بوشانماغا چاتیری دئیه آرتیردی: هر ساعاتدا ۳ نفر ائولنیر، بو ساییم گئجه-گوندوزده ۹۰ نفره و آی‌دا ایکی مین ۷۶۷ نفره یئتیشیر.
غربی آذربایجان ثبت احوال‌ینین باش مدیری سؤزلرینین آردیدندا دئدی: آیریجا ده‌یرلندیرمه‌لر نتیجه‌سینده هر ساعاتدا بیر نفردن آز یا دا یوزده یئددی بوشانما واردیر، بو ساییم گئجهگوندوزده ۱۶ نفر و آی‌دا ۴۹۲ نفره یئتیشیر.
جوان ولایتده بوشانمانین چوخالماسینا گؤره آراشدیرمالارا برنامه تؤکمه‌دن خبر وئریب دئدی: ولایت سوروملولار گنج‌لرین گون احتیاجی اولاراق ائلیلییه ساری تشویق ائتمک یوللاری ایله آراج‌لاریندان فایدالانمالیدیرلار و بوشانمادان گلن اجتمایی ضررلرینه گؤره بیلگی وئرمه‌لیدیرلر.
او، بو توپلوم اداره‌نین ساییم‌لارینین مسئول‌لارین برنامه یازما ایله کولتورلشدیرمه‌لری اوچون مناسب بیر قایناق اولدوغونو آچیقلایاراق دئدی: بوشانما بوتون بؤلوم‌لرده اولومسوز (منفی) تاثیرلرینی گؤسترن بیر اوغورسوز حادثه‌لردن‌دیر.
