انرژی باخانلیغینین ایدمان سوروملوسو اورمودا دئدی: اؤلکه والیبالی اورمو شهریندن گوج آلیر و بو شهرده والیبالین یاریم قرندن آرتیق کئچمیشی وار.
اوروم نیوز،علی حسین زاده اؤلکه چاپیندا قورولان انرژی باخانلیغینین والیبال یاریشمالارینین ضمنینده مخبریمیزه دئدی: بو یاریشمالارین تشکیل تاپماسی ایدمان و جسمی فعالیتلرین دولت ایشله ینلرینین آراسیندا گئنیشلندیرمکدیر.
انرژی باخانلیغینین ایدمان سوروملوسو آرتیردی: انرژی باخانلیغینین ۱۰۰ مین نفر ایشله ینیندن، ۴۰% ایدمانچی دیلار کی بو خوشا گلیر و اویغون بیر رقمدیر.
او وورغولادی: اورمو شهرینده والیبالین یاریم قرندن یوخاری کئچمیشی وار و دئمک اولار ایراندا والیبال اورمودان قالخیب و رشد ائدیبدیر.
خاطرلاتمالی ییق والیبال یاریشمالاری اورمودا ۵ گون مدتینده دوام ائدندن سونرا بوگون غربی آذربایجانین آبفا کامانداسی نین قهرمان اولماغی ایله باشا چاتدی.
