بە پێی هەواڵی ئرووم نیوز : فواد حسێن سەرۆکی دیوانی هەرێمی کوردستان لە میانەی وتارێک دا لە هەڵوێستی تورکیە سەبارەت بە شەری هەرێمی کوردستان دژی داعش بە تووندی رەخنەی گرت و نووسی : هەڵوێستی حکوومەتی تورکیە لە کاتی هێرشی داعش بۆ سەرهەرێمی کوردستان ئێمەی سەبارەت بەو وڵاتە بێ هیوا کرد.
وتیشی : چوار ساڵە بە خەڵکی کوردستان دەڵێن تورکیە دۆستی ئێمەیە لە ناوچەکە و پەیوەندی درێژخایەنی لەگەڵ ئێمە هەیە و حازرە کاتی روودانی هەر کێشەیەک پارێزگاری لە کوردسان بکات بەڵام کاتی هێرشی داعش سیمای راستە قینەی تورکیە ئاشکرا بوو و ئێمە لێیان بێ هیوا بووینە.
فواد حسێن لە دیمانەیەک دا لە گەڵ کەناڵی ڕووداویش وتی : شەوی هێرشی داعش بۆ مەخموور و شەنگال من بە نوێنەرایەتی سەرۆک بارزانی چووم بۆ تورکیە و ئاگادارم کرنەوە داعش گەیشتۆتە ۵۰ کیلۆمەتری هەولێر و داوای یارمەتیم لێیان کرد بەڵام ئەوان بە بەهانەی هەبوونی بارمتەی تورک لەدەست داعش دا وتیان هاوکاری ئێوە ناکەین.
ئەو بەرپرسەی هەرێمی کوردستان لە درێژەی باسەکەی دا سپاسی یارمەتی ئێرانی کرد و وتی : لە کاتی هێرشی داعش دا کۆمارئ ئیسلامی ئێران دەست بە جێ بە پێچەوانەی تورکیە یارمەتی ئێمەی داو و توانیمان داعش شکەست بدەین.
بەرپرسی دیوانی سەرۆکایەتی هەرێمی کوردستان یارمەتی چەکداری ئێران بۆ هەرێمی کوردستانی بە پێش بینی کراو وەسف کرد و وتی : ئێران یاری وەفاداری کوردانەو نیشانی داوە هەموو کات دۆستی کوردە.
