اوروم نیوز، مهر مخبرینین وئردییی راپورا گؤره، بو مرکزین دئدیینه اساساً سویوق بولاق-ا گئدن یوللاردا، ماکی، خانا، ساریداش، اوشنو، بوکان، سایین قالا و اورمیه-سئرو یولوندا ایندی یاغیش یاغیر.
غربی آذربایجانین هاوابیلیم ادارهسینین اوزمانی دا، ولایتین هاواسینی یاری بولود، بولود ایله یاغیشلی و قارلی اولماسیندان خبر وئریبدیر.
ولایتین هاوابیلیم مرکزی ده بیلدیریبدیر بیر کوتلهوی یاغیشلی هاوا ولایتده واردیر و اونون غربی آذربایجاندان چیخماسی ایله ولایتین هاواسی سهشنبه گونوندن دوشمهیه ساری گئدهجکدیر.
ولایته بیر یاغینتیلی سیستئم گلیبدیر و ولایتین آشاغی شهرلرینده یاغینتیلارا سبب اولوبدور.
ولایتین هاوابیلیمی کئچن ۲۳ ساعاتدا اورمیهده یاغان یاغینتیلار بئش میلیمئتر اولدوغونا اشاره ائدیب آرتیردی اوشنو شهری ان چوخ مقداردا اولان یاغینتی ایله ولایتده ۲۶ میلیمئتر یاغیشین شاهدی اولوبدور.
ولایتده کئچن ۲۴ ساعاتدا تیکانتپه شهری ۱۲ درجه سانتیگراد صفردن یوخاری ان ایستی و چالدیران شهری ایسه بیر درجه سانتیگراد صفردن آشاغی سیجاقلیق ایله ان سویوق شهر اولوبدورلار.
غربی آذربایجان بو ایلین اکینچیلیک فصلینین باشلانماسی ایله بیرلیکده گؤزه گلیم یاغینتیلارین شاهدی اولموشدور، ولایتین پاییز فصلینده اولان یاغینتیلارینین اورتالاماسی ۱۲۰ میلیمتره چاتیبدیر.
خبرین سونو/
