خوی دا پولیسین عملیاتی نتیجه سینده ۹۹۲ دنه ساختا پول کشف ائدیلدی.
اوروم نیوز، غربی آذربایجانین پولیس قوه لرینین باشچی سی دئدی: الیمیزه چاتان معلومات اساسیندا بیر نفرین ساختا پوللار ایله خوی شهرینده آل-وئر ائتدیگی تثبیت ائدیلدی.
سردار شرفی ایرنا ایله دانیشیقدا آرتیردی: بیر سیرا پولیسی عملیاتلاردان سونرا آختاریلان شخص یاخالانیب و پولیس مرکزینه گتیریلدی.
او وورغولادی: بو شخصدن ۹۹۲ دنه ساختا اسکناس ۴۹۶ میلیون ریال دگرینده و هابئله ۲۱ دنه مبلغی اولمایان آما امضالانان چک و بیردنه ده جعل اولونموش و مبلغی ۱۰۰ میلیون ریال اولان چک کشف ائدیلدی.
شرفی خاطرلاتدی: اتهام ائدیلن شخص آپاریلان آراشدیرمالاردان سونرا جزا تعیین ائدیلمک اوزره محکمه یه یوللاندی.
