اوروم نیوز، اورمیهنین نود (دوخسان) اوشاقلارین فوتبال تیمی، همداننین پاس تیمینین اؤنونده برابرلیگه راضی قالدیلار.
فارس خبر آژانسینین وئردیگی بیلگیلره گؤره، بوگون آخشام اؤلکهنین اوشاقلار اوستون لیگینین قاییتدی دؤورونون ایلک هفتهسینده همداننین پاس تیمی ایله اوز-اوزه گلدیلر.
مجید ایراندوست ولایتین ایدمان و جاوانلار ایدارهسینین ایدمان معاونی اؤزل قوناق اولاراق یاخیندان بو اویونون تاماشاچیسی اولدو. ایکی تیم ۹۰ دقیقه چالیشمادان سونرا هئچ-هئچ نتیجهسینه راضیلیق وئردیلر.
اویون پاییزین سویوق بیر هاواسیندا اورمیه مخابراتینین استادیوموندا قورولدو و سونوندا اورمیه تیمی نئچه هفته اودوزمادان سونرا بیر امتیاز الده ائتمکله بو ائو مسابقهسینده الی بوش قالمادی.
همداننین پاس تیمی بو رقابتلرده ایکینجی سیرادا یئرلشیبدیر. بو اویوندا اورمیه تیمی دقتلی اولسایدی اوچ شیرین امتیاز قازانا بیلردی.
اورمیهنین نود تیمی بو اویوندا برابرلیک ائدندن سونرا اؤز ایمتیازلارینی ۴-ه چاتدیراراق جدولین آلتینجی سیراسیندا دایاندی.
