اوروم نیوز، جعفرصادق اسکندری بو تشکیلاتین معلومات وئرن سایتی ایله دانیشیق دا دئییب: دولت چؤرهیین کیفیتینی یاخشیلاتماق، تؤکونهیین آزالماسی و سوبسیدلرین هدفلندیرمهسینین ایکینجی فازینین اجراسی مقصدی ایله، اؤلکهنین باشا باشیندا، اون ایله چؤرهیین قیمتینی اصلاحات ائتدی، بونا گؤره ده، غربی آذربایجان ولایتینین ده والینین باشچیلیغی ایله اولان بیر ایش قروپ تشکیل اولاراق مختلف چؤرکلرین یئنی قیمتی، دولتین طرفیندن تصدیق اولان شرطلرله، اجرا اوچون ولایتین بوتون چؤرکچیخانالارینا آچیقلاندی.
مهر خبر آژانسینین وئردییی بیلگیلره گؤره، او علاوه ائدیب: بو ایلین قیمت قویماسی کئچن ایله فرقلی اولاراق چئشیدلی چؤرکلرین ساتیشی ایالت ده ترزی ایله چکیلیب کیلوگرم ایله حئسابلاناجاق.
اسکندری آرتیریب: بونا گؤره ۱۶۰ گرم چنه چکیسی ایله ۱۱۰ گرم چؤرک چکیسینده اولان هر بیر فیرلانان لاواش چؤریین کیلوگرمی ۱۴۰۰ تومن و دنهسی ۱۵۵ تومن، تندیر لاواشینین چنه چکیسی ۱۶۰ و چؤرک چکیسی ۱۲۰ گرم، کیلوگرمی ۱۳۶۰ تومن و چؤرهیین دنهسی ۱۷۰ تومن، سنتی و ماشینی سنگگ چؤرهیین چکیسی ۵۰۰ گرم شرطی ایله هر کیلوگرمی ۱۳۰۰ تومن، ساده سومون (بربری) چنه چکیسی ۵۰۰ گرم و چؤرک چکیسی ۴۵۰ گرم دنهسی ۵۰۰ تومن، صنعتی سومون هر کیلوگرمی ۱۵۰۰ تومن و صنعتی لاواشین هر کلیوگرمی ۱۱۷۰ تومن اولاجاقدیر.
غربی آذربایجانین صنایع، معدن و تجارت تشکیلاتینین رئیسی خاطرلادیب: وطنداشلار ائده بیلرلر بو موضویا گؤره اؤز شکایت، تنقید و اؤنریلرینی تشکیلاتیمیزین خبر هیئتینین ۱۲۴ تئلفون نؤمرهسینه گئجه-گوندوز شیکایتلری آلماق اوچون اعلان ائتسینلر، ان قیسا زاماندا او شیکایتلره یئتیشیلهجکدیر.
او دئدی: آیریجا اورمیه شهری ایله ولایتین باشقا شهرلرینده چؤرکچیلرین سئندیکاسی ایله تجارت اوتاقلاری، محترم هم ولایتلریمیزین چؤرکلرین یئنی قیمیتلرینه گؤره اولان سواللارینا جاواب وئرمک اوچون حاضیردیرلار.
