ماکی شهرینین پولیس قوه لرینین باشچی سی بو شهرده بیر حشیش پایلایلان دسته نین داغیدیلماسیندان خبر وئردی.
اوروم نیوز، مین باشی احمدی بو خصوصدا دئدی: اجتماعی امنیتی ساغلاماق اوچون ماکی دا بیر خصوصی عملیات کئچیریلدی.
او آرتیردی: کئچیریلن عملیاتدا بو شهرده فعالیت گؤسترن و مخدره ماده پایلایان دسته آشکارلاندی.
ماکی شهرینین پولیس قوه لرینین باشچی سی دئدی: بونونلا ایلگی اؤزل پولیسی عملیات باشلانارکن، بیرکیلو ۱۰۰ گرم مخدره ماده حشیش نوعوندن اله کئچیریلدی.
احمدی وورغولادی: ایکی نفر دسته عضوی یاخالانارکن، بیر مینیک ماشینی دا ساخلانیلدی.
او بونو دئیه رکن کی اعتیاد جامعه میزین ائولری ییخان بلاسی دی و پولیس شدتله مخدره ماده ایله مقابله ائده جک، خاطرلاتدی: یاخالانان شخصلر قانون اوزره جزا تعیین ائدیلمک اوچون، محکمه یه یوللاندیلار.
