حسنی آذربایجان غیرتی نین سیمگه سی دیر

اوروم نیوز، اورمیه دن سؤز گئدنده و اسلامی انقلابدان سونرا بو شهرین باشینا گلن اویونلاری نظره آلاندا، حسنی نین آدی گؤزه چارپیر.

آیت الله حسنی اؤزلوگونده اورمیه حاقیندا چوخ بؤیوک ایشلر گؤروبدو. او ضد انقلابین قارشی سیندا اسلان تکین دایاندی و اونلاری اورمودا قووارکن سولدوزا یوللاندی و بو شهرین مدافعه چیلری ایله برابر چوخ بؤیوک بیر قهرمانلیق تاریخینه مالک اولدو.

او و باشلچی لیق ائتدیگی دسته ،سولدوزدا نئچه مین نفر تروریستی چوخ قیسا زاماندا مغلوب ائدیب و امنیتی ساغلایا بیلدیر.

حسنی نین هامی شجاعت ، رشادت و قورخمازلیق سیمگه سی کیمی تانییرلار. او ایلک و تکجه نفردیر کی امام خمینی(ره) یانینا سلاحلی گئتدی.

او آذربایجانین غیرت سیمگه سی دیر و ائله بو سببدن کئچن ایللرده ملی لیاقت اوردئنی ایله تلطیف اولوندو و بیر معنوی وارلیق اولاراق اؤلکه میزین معنوی ارثلر سیاهیسینا آلیندی.

آیت الله حسنی نین هله ده هله دی تانیمامیشیق. اونون کیم و نه اولدوغونو بیلمک اوچون آراشدیرمالار آپارماق گرک.

آللاهدان شهریمیزین آغ ساققالی و بؤیوک روحانی سینه جان ساغلیغی آرزی ائدرکن، اونون یولونون دواملی اولدوغو دیله یینده ییک.