اوروم نیوز، نادر قاضی پور مخبریمیزله دانیشیقدا باخانلار کابینه سینده اورمو گؤلونو جانلاندیرما بودجه سینی آییرما خبرینه گؤره دئدی: بو جلسه ده ۷۲۹ میلیارد تومن اورمو گؤلونو جانلاندیرماق اوچون اختصاص تاپیب. بو مقدار یالنیز جلسه لر ، مطالعه و آراشدیرما حاقی عنوانی نا وئریلیب.
او آرتیردی: اورمو گؤلونو جانلاندیرما قونوسوندا دولت بوتون گوجونو اکمه مه پروژه سینه یؤنه لدیب و بیز بونا قارشی ییق.
اورمیه خالقینین اسلامی شورا مجلسینده کی وکیلی وورغولادی: آیریلان مبلغ اورمیه اونیورسیته سی و غربی آذربایجان سو منطقه سی قورومونا والی لیک نظارتی ایله وئریلمه ایدی، آما نه یازیق بودجه تهراندادیر و هارایا خرجلنه جگیندنده خبریمیز یوخدو.
او تأکید ائتدی: بو مبلغی زئیوه و کانیسیب سدلرینین بیتمه سینه اختصاص وئره بیلردیک.
قاضی پور سوندا خاطرلاتدی: بونلار هامی سی شعاردیر و هدفی غربی آذربایجان اکینچی لیگینین آرادان گئتمه سی.
