جبرئیل هوشمند مخبریمیزله دانیشیقدا دئدی: یئنی تاپیلمیش ۴۱ شهیدیمیزین جنازه تؤرنیندن استقبال ائتمه مراسمی پیرانشهرین تمرچین گؤمروک قاپیسیندا قورولاجاقدی.
او آرتیردی: بو شهیدلرین مطهر پیکرلری پیرانشهر، نقده جماعاتینین استقبالیندان سونرا، پنجشنبه گونو ساعات بئش ده اورمویا گتیریله جک.
شهیدلر سپاهینین قوتسال مدافعه اثرلری قوروما و یایما مسئولو وورغولادی: اورمیه نین شهید بسله ین ملتی “دفاع مقدس” میدانیندا شهیدلریمیزین استقبالینا چیخاجاقلار. آخشام واختی ایسه مصلی دا اونلارین افتخارینا بیر مراسم کئچییریله جک.
او دئدی: بو مراسم ده سردار باقرزاده سلاحلی قوه لرین باش قرارگاهینین ایتگینلری آراما کمیته سینین کاماندری دانیشاجاق.
هوشمند خاطرلاتدی: جمعه گونوده حسینی سود اَمَرلرین مراسمی بو شهیدلرین حضورو ایله قورولاجاق و جمعه نمازی قیلیندیقدان سونرا اورمیه هاوا لیمانینا داشیاناجاقلار.
