غربی آذربایجانین آگاهی(کشفیات) پولیسی نین رئیسی اورمیه ده قاچاق یوکو داشیان اتوبوسون دایاندیریلماسیندان خبر وئردی.
اوروم نیوز، سرهنگ” رسول النقی پور” بونولا ایلگی مخبریمیزله دانیشیقدا دئییب: الیمیزه گلن معلومات اساسیندا بیلدیک کی بیر نفر مسافر داشیان اتوبوس واسطه سی ایله قاچاق ماللارینی بانادان اورمیه یه گتیرمک ایسته ییر.
او آرتیردی: بونا گؤره موضوع پولیسین دقت مرکزینه چئوریلدی و نظارت آلتینا آلدیغمیز اتوبوسو یولون یاریسیندا ساخلاتدیریب و آختاریشلار آپاردیق.
غربی آذربایجانین آگاهی پولیسینین رئیسی وورغولادی: قئید ائتدیگیز اتوبوسدان ۴۰۳ تلیس خراجی و قاچاق پالتار کشف ائدیلدی.
مین باشی النقی پور سوندا خاطرلاتدی: بو ماللاری داشیماقدا اتهام ائدیلن شخص یاخالانیب و جزا تعیین ائدیلمک اوزره محکمه یه یوللاندی.
