فارس خبر آژانسی دئدیگلرینه گؤره غربلی بیر دیپلمات، ایرانین بؤلگه‌ده‌کی رولونا توخوناراق ” ایرانین قاتیلیمی و اشتراکی اولمادان داعش اؤرگوتویله مجادله‌ده اوزون مدتده بو سورونو حل ائده جک بیر چؤزوم الده ائتمک چتین دیر ” دئدی.
بو خبره گؤره، آدینین آچیقلانماسینی ایسته مه ین قئید ائتدیگیمیز غربلی دیپلمات، رویترز مخابری ایله دانیشارکن آیریجا ” ایرانین داعش علیهینه اتفاقینا مخالفت ائتدیگیی ان اؤنملی طرف آمریکالیلار. آما اؤته یاندان بؤلگه‌ده بعضی عرب اؤلکه‌لری ده ایرانلا عینی ماسادا اوتورماقدان چکیلیرلر ” ایفاده‌سینی دئدی.
بو آرادا تهران، آمریکا بیرلشمیش ایالتلرینین دفعه لرجه ایرانی داعش علیهینه اتفاقا دعوت ائتدیگینی، یالنیز ایرانین سؤز قونوسو ترور تشکیلاتینین آمریکانین حمایتلری سایه‌سینده گوج قازاندیغینا ایناندیغی اوچون بو دعوتلری صراحت ایله رد ائتدیگینی هر فرصتده اعلان ائتمیشدیر.
