اوروم نیوز، بؤیوک دین عالمی، رهبرلیک خبرگانی مجلسینین صدری آیت الله محمد رضا مهدوی کنی بوگون حاقین دعوتینه لبیک دئیهرک، دایمی دیارا کؤچوب.
آیت الله مهدوی کنی اسلام انقلابینین اولیندن وفات ائتدیگی زامانادک مهم مسئولیتلر داشیمیش گؤرکملی دین خادملریندن بیری اولوب.
مرحوم آیت الله مهدوی کنی اسلام انقلابینین غلبهسیندن اول امام خمینی(ره)-ین نظری ایله انقلاب شوراسینین ایلکین حالقاسیندا قرار تاپدی و بو شورایا عضو اولدو. همچنین ایکی دؤورده بیر فقیه کیمی اساس قانون اوزره نظارت شوراسینا عضو اولوب. او، قورولوشون رسمی لرینین اختلافلارینین حلی اوزره هئیتده امام خمینی(ره)- ین نمایندهسی اولوب و انقلاب دؤورونون مهم حادثه لرینده اونون اوزرینه بیر نئچه اوخشار تاپشیریق قویولوب.
مرحوم آیت الله مهدوی کنی شهیدلر رجایی و باهنرین باخانلار کابینه سینده داخلی ایشلر باخانی اولوب.
آیت الله مهدوی کنی دؤرد دؤرده رهبرلیک خبرگانی مجلسینه عضو اولوب و ۱۳۸۹-جو ایلیندن بو مجلسین صدری سئچیلیب.
مرحوم آیت الله مهدوی کنی بیر چوخ سیاسی فعالیتلره رغماً، دایم اونیورسیته ده و دینی ائلملر تحصیلی مرکزینده تدریس و مختلف اثرلر یازماقلا مشغول اولوب.
