اوروم نیوز، حجتالاسلام محمدباقر کریمی دئدی: آذر آیی نین سونوندا «یادمان ولایت» شعر فئستیوالی نین قورتولوش مراسمی قورولاجاقدی.
او بونو دئیه رک کی شاعرلر و ادبیاتچی لاریمیز آذر آیی نین سککیزنه قدر تورکجه یازیلان اثرلرینی بو اداره یه گؤندره بیلرلر، آرتیردی: ایندیه دک ۷۰ اثر الیمیزه چاتیب.
غربی آذربایجانین معارف و اسلامی ارشاد اداره سینین باشقانی وورغولادی: بو فئستیوالین ایلک ایلی ماکی دا، ایکینجی ایلی اورمیه ده کئچیریلمیشدی و اوچونجو ایلی ده اورمیه ده سراسری اولاراق قورولاجاقدی.
او گؤندریلن اثرلرینی سایی نین آرتماسی و کیفیتلرینین یاخشی لاشماسیندان خبر وئره رک، وورغولادی: امام خمینی(ره) و انقلابین بؤیوک رهبری نین شخصیتلری نین مختلف بعدلارینین تانینماسی بو فئستیوالین ان اؤنملی هدفی دیر.
کریمی سوندا خاطرلاتدی: مختلف شاعرلر و هنرمندلر بو فئستیوالین عظمتلی کئچیریلمه سینه گؤره قاتیلمالی و مئدیا اهلی ده یئترینجه تبلیغاتی اوسته ایشلمه لی دیلر.
