اوروم نیوز، تانینمیش آمریکالی عالم داعشبه محاریبه ده آمریکانین ایرانلا امکداشلیق ائتمهمهسینی تنقید ائدهرک بیلدیریب کی، اگر ایران داعش ترورچولاری علیهینه اتفاقدا اشتراک ائتسه ایدی، بو ترور قروپلاشماسینی بیر گؤز قیرپیمیندا محو ائدردی.
تانینمیش آمریکالی عالم نوام چامسکی روسیه تودی خبر تئلئکانالی ایله مصاحبه ده داعشله ساواشدا آمئریکانین ایرانلا امکداشلیق ائتمه مه سینی تنقید ائدرک بیلدیریب کی، اگر تهران داعش علیهینه اتفاقدا اشتراک ائتسه یدی، بو ترور قروپلاشماسینی گؤز قیرپیمیندا محو ائدردی.
چامسکی عراق رسمی لرینین داعش ترورچو قروپلاشماسی ایله ساواشدا ایرانین کؤمگینی ایسته دیکلرینه توخوناراق دئییب: ایران گوجلو حربی قوهیه مالکدیر و اگر اونلار داعشله ساواشا داخل اولارلارسا، داعشی بیر گؤز قیرپیمیندا محو ائده بیلرلر.
آمریکانین ایرانین پتانسیلینی گؤرمهمزلیگه ووردوغونو بیلدیرن چامسکی علاوه ائدیب: آمریکانین رهبرلیک ائتدیگی اتفاق بین الخالق حقوق پرینسیپینه ضددیر.
چامسکی سؤزلرینین داوامیندا عربستانی داعشین اساس مالیه و ایدئولوژی دستکچیسی آدلاندیراراق سؤیلهییب: داعشین دکترینی عربستاندا سلفی وهابیلرینین دکترینی دیر.
چامسکی آمریکانین رهبرلیک ائتدیگی اتفاقی معناسیز و غیر قانونی اتفاق آدلاندیریب.
