غربی آذربایجانین فتا پولیسی نین رئیسی کئچن ۲۴ ساعاتدا مجازی دونیادا اوغرولوق ائدنین یاخالانماسیندان خبر وئردی.
اوروم نیوز، سرهنگ” حسن کوره بولاغی” اوروم نیوزون مخبری ایله دانیشیقدا دئدی: اورمیه ده بانکی حسابدان اینترنتی و قانونسوز پول گؤتورمه ندنی ایله و اورمولو وطنداشلاریمیزین بیرینین شکایتی اوزره موضوع پولیسین دقت مرکزینه چئوریلدی.
او آرتیردی: بیر سیرا عملیاتلار نتیجه سینده معین اولدو، اوغرو اینترنت بانک و هابئله موبایل شارژی آلاراق اؤز قانونسوز ایشینی حیاتا کئچیریب.
غربی آذربایجانین فتا(مجازی فضا) پولیسینین رئیسی وورغولادی: اوغرو بیر عملیات نتیجه سینده یاخالانیب و پولیس مرکزینه گتیریلدی.
او بیان ائتدی: اتهام ائدیلن شخص آپاریلان آراشدیرمالاردا، شکایتچی ایله تانیش اولدوغونو دئیه رکن، اونون اعتمادیندان پیس نیتی اوچون استفاده ائدیب.
مین باشی کوره بولاغی سوندا خاطرلاتدی: اتهام ائدیلن شخص قانون اوزره جزا وئریلمک اوچون محکمه یه یوللاندی.
