اوروم نیوز،سویوق دهیمه،ایلین سویوق فصیللریندا داها چوخ یایغین (شایع)اولان خستهلیکدیر،اما آدی سویوقدان گلهن سویوق دهیمه خستهلیگین ندنی(علتی) سویوقلوق دئییل!
بیلیم سسی سایتی نین یایدیغی معلومات اساسیندا، کسینلیک له،سویوق دهیمه خستهلیگین آنا و مستقیم ندنی سویوق هاوا دئییل!سویوق دهیمه خستهلیگین ،بللی(مشخص) علامتلری:اؤسگورهک،بوغاز آغریسی وبورون سو آخینتیسی دیر.سویوق دورومدا قرار تاپاراق؛سویوقدهیمه اوز وئریر اینامی بیر یانلیش اینام(باور) اولدوغو بللهنیب(مشخص شده).
سویوق دهیمهنین اوز وئرمهیی اوچون،بو خستهلیگین ویریوسونون اولماسی گرکیر.اما ندن سویوق هاوالاردا،سویوقدهیمه داها چوخ اوز وئریر.سویوق هاوا،روطوبتی(نملیک) آزالدار،بواوزدن بورون یوللارینین قوروماسینا (خشک) سبب اولور، بورون یوللارین قوروماسی ائتکیسینده، ویروسلار اؤزلرین راحتجادان بیزیم بدنیمیزه یئتیریرلر .
دئمهلیدیر،بورون و بوغاز ترشوحاتلاری،سویوق دهیمه ویروسون قارشیسیندا بدنین ایلک ساوونما(دفاعی) خطی ساییلیر.آرتیرمالیدیر بیرسیرا سویوق دهیمه ویروسلاری، نملیگین آزالماسیلا، یاشام بویلاری عادی دوروما گؤره داها چوخالار.
