اوروم نیوز، ابا عبدالله حسین(ع)ین شام غریبانیندا بو گئجه امام خمینی(ره) حسینیه سینده اسلام انقلابینین بؤیوک رهبری، دولت رسمی لری و مختلف طبقهدن اولان مینلرله انسانین اشتراکی ایله امام حسین(ع) و اونون وفالی سلاحداشلاری اوچون ماتم و عزادارلیق مراسیمی کئچیریلیب.
بو مراسمده حجت الاسلام والمسلمین عالی عاشورا قیامینین ۳ مهم جهته مالک اولدوغونو بیلدیریب ودئییب: بو حادثه نین بیرینجی مهم جهتی حق جبهه سی ایله دوشمن اولانلارین غدارلیغی و وحشی لیگینین آیدینلاشماسی دیر.
اصلینده امام حسین(ع) حق ایله باطل آراسینداکی سرحدی معین ائتمکله منافقلرین ماسکاسینی ییرتمیش و بو باطل جبهه یه قارشی تاریخی بیر نفرت و اکراه حسینی یاراتمیش اولدو.
حجت الاسلام عالی داها سونرا عاشورا قیامینین دیگر مهم جهتینی آللاهین وعد ائتدیگی “نصرت”ین رئاللاشماسی آدلاندیریب و دئییب: امام حسین(ع)ین مراجعتینین یاییلماسی و گئنیشلنمهسی و بونون مقابلینده باطل جبهه یه قارشی نفرت، ایلاهی “نصرت” و حق جبهه سینین غلبهسیندن باشقا بیر شئی دگیل.
