اوروم نیوز، اطراف محیطی قوروما اداره سینین طبیعی محیط بؤلومونون رئیسی دئدی: اؤلکه میزین اطراف محیطی قوروما قورمونون باشقانی صاباح اورمیه یه گله جک.
حمید رعناقد مخبریمیزله دانیشیقدا، معصومه ابتکارین ائتدیگی سفرینه دقت یئتیره رک، دئدی: صاباح اولونان سفرده، مختلف برنامه لری اجرا ائده جه ییک.
او آرتیردی: اورمو گؤلونو جانلاندیرما قونوسوندا هر طرفلی و دواملی اکینچی لیک اوزره آپاریلان ایشلرین نئجه ایره لی گئتمگی بو سفرین ان اؤنملی هدفی دیر.
غربی آذربایجان طبیعی محیط اداره سینین رئیسی وورغولادی: کند محیطی قادینلارین بیلگی لندیرمه و ها بئله ولایتمیزین گؤلچه لری وتالابلارینی جانلاندیرما طرحلریندنده گؤروش ائتمک ، معصومه ابتکارین سفرینین آیری برنامه لریندندیر.
او شیرین سو بورولارینین رشکان کندیندن اشک آداسینا داشیما طرحینین آچیلیش مراسمی و ماهابادین قاراداغ منطقه سینین جماعاتی ایله گؤروشمگی بو سفرین آیری برنامه لریندن بیلدیره رک، خاطرلاتدی: ها بئله صاباح اورمو گؤلونو جانلاندیرما قورومونون جلسه سی قورولاجاقدیر.
