ایرانین آذربایجانداکی سفیری : پاریس گؤروشو اوزون مدتده باکی-ایروانین اختلافلارینین حلی پروسئسینده تأثیرلی اولاجاقدیر.
اوروم نیوز، آذربایجان جمهوریتی و ائرمنیستان جمهورباشقانلارینین پاریسدهکی گؤروشو، تعجیلی نتیجهلره مالک اولماسا دا، اوزون مدتده باکی-ایروانین اختلافلارینین حلی پروسئسینده تأثیرلی اولاجاقدیر.
بونو ایرانین آذربایجان جمهوریتینده کی سفیری محسن پاک آیین دئییب.
باکی داکی مخبریمیزله مصاحبه ده محسن پاک آیین آذربایجان و ائرمنیستان جمهورباشقانلارینین پاریسدهکی گؤروشو بارهسینده دئییب: “بو مذاکرهلر ایکی اؤلکه رهبرلری آراسیندا داغلیق قاراباغ مناقشه سینی دینج یوللا حل ائتمک اوچون اراده نین اولدوغونو گؤستریر.”
ایران سفیری بو مسئله نین آرادان قالدیریلماسیندا مینسک قروپونون یارارلیلیغینا شبهه ایله یاناشیب و دئییب: “بو قروپون بو مناقشهنین حلینده دقتی جلب ائدهجک پایا مالک اولا بیله جگینی غئیری-ممکن گؤرورم.”
