اوروم نیوز – ایران خاریجی ایشلر باخانی نین عرب و آفریقا مسئلهلری اوزره معاونی، عراقین مرکزینده یئرلشن بابیلدهکی جرف الصخر منطقه سینین تئرورچولاردان تمیزلنمهسینی، خارجی مداخله اولمادان عراق حکومتینین گوج نمایش ائتدیرمهسی کیمی قیمتلندیریب.
تهران رادیوسونون یایدیغی معلومات اساسیندا ایران خارجی ایشلر باخانی نین عرب و آفریقا مسئلهلری اوزره معاونی ایرنایا وئردیگی مصاحبهده جرف الصخر استراتژی منطقه سینین تکفیرچی تئرورچولاردان تمیزلندیریلمه سی باره ده دئییب: عراق سلاحلی قوه لری و کؤنوللو قوووهلرین الده ائتدیگی بو قلب، عراق و سورییانین دیگر منطقه لرینین تکفیرچی تئررورچولاردان تمیزلهدیریلمهسینه یاخشی بیر اؤرنک اولا بیلر.
ایرانین خاریجی ایشلر باخانی نین معاونی آچیقلاییب: جرف الصخر منطقه سینین تمیزلنمهسی اوزره اوغورلو عملیات بیر داها ثبوت ائتدی کی، عراق حکومتی و عراق خالقی تام گوجله اؤز حاکمیتی، استقلالیتی، ملی بیرلیگی و اراضی بوتؤولوگونو قوروماق اقتداریندادیر.
عراق اوردوسو کؤچری طایفالار و سیویل قوهلرین دستکی ایله کئچیردیگی ان بؤیوک حربی عملیاتدا جرف الصخر منطقه سی و اونون اطرافینداکی منطقه لری اؤز نظارتینه کئچیره رک داعش تئرورچو قروپونون قارا بعراقلارینی شهرین بینالاری اؤنوندن آشاغی سالیبلار.
جمعه گونو آخشام ساعاتلاریندا عاشورا آدی آلتیندا آپاریلان بو عملیات، داعش تئرورچو قروپو علیهینه تشکیل اولونان دیرناق آراسی اتفاقینین یاردیمی اولمادان حیاتا کئچیریلیب و ۲۰۰ داعش تئروریستینین هلاک اولماسی و ۱۰۰ نفردن چوخ تئرورچونون یارالانماسیندان علاوه، بابیلین شمالیندا یئرلشن استراتژی منطقه ساییلان جرف الصخرین آزادلیغا بوراخیلماسی ایله نتیجه لنیب.
