اوروم نیوز، آمریکالی تدقیقاتچی یئنی بیر قئیدده یازیب: آمریکا ایرانین نووه پروقرامی بارهده اتوم انرژیسی اوزره بین الخالق آژانسی نی آلدادیب.
غربین ایرانین نووه پروقرامینا قارشی اتمسفر یاراتماق ساحه سینده کی رولو بارهده بعضی سیرلری ایفشا ائدن “ساختا بحران” کتابینی نشر ائتدیرمیش آمریکالی ژورنالیست، تاریخچی و تدقیقاتچی “قرئت پورتئر” یئنی بیر قئیدده یازیب: آمریکا ایرانین نووه پروقرامی بارهده اتوم انرژیسی اوزره بین الخالق آژانسینی آلدادیب.
پورتئر بو قئیدده یازیر: ۲۰۰۸-جی ایلده جورج بوش دؤلتی و اتوم انرژیسی اوزره بین الخالق آژانسین مهم بیر رسمیسی کشفیات سندلرینین اصیللیگی بارهده ایرانین موقعیتینین تحریف اولونماسی استراتژیسی اوزرینده راضی لیغا گلدیلر. اونلار سونرا “ایران آژانسین تدقیقاتی یولوندا مانعه تؤرهدیر” روایتینین یارادیلماسی اوچون مؤضوعنون اؤنمیندن استفاده ائتدیلر.
بو آمریکالی تدقیقاتچی داها سونرا بو گئدیشین آمریکانین حاضرکی جمهورباشقانی باراک اوبامانین دؤلتینده داوام ائتدیریلمهسی و اونون نووه مذاکرهلرینه اولموش داغیدیجی تاثیرلرینه توخوناراق، یازیر: ائله همین روایت بو گون نووه مذاکرهلرینده اوباما دؤولتینین سیاسی کورسونو تشکیل ائدیر.
