اوروم نیوز، ایران اسلام جمهوریتی خارجی ایشلر باخانلیغی سؤزجوسو ایران و تورکیه نین فرقلی بویوتلاردا چوخ یاخشی ایلیشگی لره صاحاب اولدوغونو سؤیلهدی.
باسین توپلانتیسیندا دانیشان مرضیه افخم تورکیه یئتگی لیلرینین، ایران قارشیتی سؤزلری ایله ایلگی لی بیر سورغویا جواب وئرن افخم” ایران و تورکیه فرقلی بویوتلاردا چوخ یاخشی ایلیشگی لر ایچینده اولان ایکی قونشو اؤلکهدیر و دایما بؤلگه سل قونولاری دگرلندیریرلر و سیاسی مسئله لرده گؤروش آلیش وئریشینده اولورلار. بو سوره مدتینده ایکی اؤلکه آراسیندا یوکسک دوزئیده گلیش-گئدیشلرده گئرچکلشدی. بونون ان اؤنملی اؤرنگی ده تورکیه باش باخانی نین تهران زیارتی و جمهورباشقانیمیزین تورکیه زیارتی دیر. ایران اسلام جمهوریتی، سورونلارین چؤزومو اوچون بؤلگه اؤلکهلرینین دیالوقو و قاتیلیمینین دوغرو و ایلکهلی بیر توتوم اولدوغونا اینانیر ” دئدی.
اردوغانین ایرانین اوست دوزئی یئتگی لیلرینه یؤنهلیک اهانتی و سوریه ایله ایلگی لی سؤزلری قونوسونداکی بیر آیری سورغونو جوابلایان افخم ” خارجی ایشلر باخانلیغی بو قونودا گرکلی سیاسی گیریشیملری اولاجاق ” دئدی.
ایران و تورکیه آراسینداکی اقتصادی ایلیشگی لرین دوشمهسی و ایکی اؤلکه آراسینداکی ترانزیت سورونلارینین آرادان قالدیریلماسی قونوسوندا ایسه سؤزجو بونلاری سؤیلهدی: ” بو قونو بو قدر آچیق دگیل. ایکی اؤلکه آراسیندا ترانزیت یولوندا بازی تکنیک سورونلار آرایا گلدی. بو مسئله لرین گئدیریلمهسی قونوسوندا مذاکره لر سون سؤزو دئییر. بو مسئله نین یاخیندا چؤزوملنمهسینی آرزی ائدیریک. “
