اوروم نیوز، غربی آذربایجانین قانونی طب قورومونون باشقانی دئییب: ولایتیمزده ایلین ایلک آلتی آییندا ۳۵۷ نفر جانلارینی ایتیریبلر.
علی افتخاری فخا ایله دانیشیقدا آرتیریب: کئچن ایلین اوخشار مدتی ایله مقایسه ده اؤلو سایی سی ۵% آزالاراق، ۳۷۶ نفردن ۳۵۷ نفره یئنیبدیر.
او بونو دئیه رک کی اؤلنلرین ۲۷۹ نفر کیشی و ۷۸ نفری ایسه قادین جنسیندن ایدیلر، وورغولاییب: ها بئله ۵ مین ۶۷۴ نفر ماشین قضالارینین یارالی لاریدا اوتوپسیا مرکزلرینه مراجعه ائدیبلر. بو رقمدن ۴ مین ۹ نفری کیشی و مین ۶۶۵ نفری ایسه قادین اولوبلار کی بوتونلوکده کئچن ایل ایله مقایسه ده ۷% آزالیبدیر.
او آچیقلاییبدی: کئچن آی عرضینده ۷۰ نفر جانلارینی الدن وئریبلر.
غربی آذربایجان قانونی طب قورومونون باشقانی سوندا هامی نی ماشین سوررکن قانون و قایدالاری پوزماماغا چاغیرایراق، خاطرلادیب: احتیاطسیزلیق و قانونو رعایت ائتمه مه گئرچکلشن حادثه لرین ان اؤنملی سببلریندیلر و وفات ائدنلرین چوخودا محض بو احتیاط سیزلیق اوجباتیندان جانلارینی ایتیریبلر.
