اوروم نیوز، تورکییهنین مشهد باش کونسولو، ایران ایله تورکیه آراسینداکی توریزم سئکتورونون، ایکی اؤلکه ایلیشگی لریندهکی گوج اوداغی اولدوغونو بیلدیردی.
ایسنا خبر آژانسینا دانیشان تورکیهنین مشهد شهرینده اولان باش کونسولو مئحمت دوغان، مشهد شهرینده دوزنلنن اولوسلار آراسی توریزم کنفراسیندا ائتدیگی آچیقلامادا، هر ایل میلیونلارجا ایرانلینین تورکیه نی زیارت ائتدیگینی و ها بئله چوخ سایدا تورکیه وطنداشینیندا ایرانا گلدیگینی، بو دورومون ایسه ایکی اؤلکه ایلیشگی لرینده توریزمین اؤنملی اولدوغونو اورتایا قویدوغونو بیلدیردی.
مئشهد شهرینین توریزم اؤزللیگینی ده خاطرلادان دوغان، مشهدین دینی بیر شهر اولدوغونو و توریزم باخیمیندان اویغون بیر یئر اولدوغونو آچیقلادی. چونکو توریستلرین اهل بئیت اماملارینین ۸٫سی حضرت امام رضا(ع)ین مبارک توربهسینین یانی سیرا رضوی خوراسانین او بیری شهرلرینی ده گزیب گؤرمه امکانی تاپدیقلارینی بیلدیردی.
تورکیهنین مشهد باش کونسولو آیریجا ایرانین توریزم آچیسیندان یاخشی بیر پوتانسیله صاحاب اولدوغونو و توریستلرین بؤیوک بیر بؤلومونون ایران کولتورو و اویقارلیغی باخیمیندان ایرانا گلدیگینی سؤیلهدی.
