آمریکا حربی اوچاغی سوریه نین کوبانی شهرینه سلاح و علاج آتیب.
اوروم نیوز، آمریکانین حربی طیاره سی سوریه-تورکیه سرحدینده یئرلشن و داعشین طرفیندن محاصره آلتیندا ساخلانیلان کوبانی شهریندهکی کورد سلاحلی لارینا سلاح، دؤیوش سورساتی و درمان ائندیریب، بو بارهده رؤیتئر آگئنتلیگی معلومات وئریر.
آمریکا بیرلشمیش دولتلر کوماندانلیغی بیان ائدیب کی، سون گونلر آمریکا طرفیندن کوبانی شهرینین یاخینلیغینداکی یاراقلیلارین موقعلرینه ائندیریلن ۱۳۵ ضربه نتیجهسینده اونلارین ایرهلیلهمهسینی لنگیدیلیب و یوزلرله دؤیوشچولری محو ائدیلیب.
کئچن آیدا آمریکا بئش عرب اؤلکهلرینین دستگی ایله سوریه ده کی داعش موقعلرینه ایلک ضربهلر ووروب. بو رئیدلرده سعودیه عربیستانی، بیرلشمیش عرب امیرلیکلری، اردن، بحرین و قطرین حربی هاوا قوهلری اشتراک ائدیبلر.
