اوروم نیوز، تورکیه نین جمهورباشقانی رجب طیب اردوغانین سوریه علیهینه آمریکا و صهیونیزم لایحهسینی ایزلهمهسی هر گون تورکیه اوچون یئنی پروبلئملر یاراتماقدادیر.
بو کور-کورانه حرکت تورکیه داخلینده پروبلئملر یاراتماقلا یاناشی رجب طیب اردوغانین ادارهچیلیگی الیندن وئرمهسینه و اؤلکهسینین قونشو اؤلکهلرله مناسبتلرینه ضربه وورماسینا سبب اولموشدور. سوریه علیهینه آمریکان-صهیونیست سیاستی کور-کورانه ایزلهمگین تورکیهیه چوخلو ضربهلر وورماسی ایله گؤرهسن تورکیه بو زیانلارلا هارا گئدهجک؟ آما بو هله بللی دگیلدیر.
بیر چوخلاری بو قناعتدهدیر کی، آمئریکا، صهیونیزم، تورکیه و سعودیه عربیستان دؤردلوگونون غیری-قانونی یاراتدیغی داعش قروپلاشماسی قالدیغی حالدا تورکیهنی اؤزونو اؤز جایناغینا آلاجاقدیر. تورکیه طرفیندن غربین سوریایا قارشی پلانی اجرا اولوندوغو زاماندان بو اؤلکه تهلوکهسیزلیگی و آسایشی اولان اؤلکهدن داواملی توققوشمالار و اعتراض آکسیالارینین کئچیریلدیگی مکانا چئوریلمیشدیر.
داعش تئرورچولارینین تورکیهده اشتراکی و بو اؤلکه تهلوکهسیزلیک قوووهلرینین اونلارا آت اویناتماق امکانی یاراتمالاری، حاضرکی حساس دؤنمده هامینی، خصوصیله ده تورکیه خالقینی اینجیدیر. تورکیهنین سوریه ایله تهلوکهسیز سرحدلری محاربه میدانینا چئوریلمیشدیر.
بیر مدت اؤنجه مخالفت پارتیاسینین لیدئری کمال قیلیچداراوغلو اردوغانا خطاباً دئییب: سوریه مسئله سینده غربلیلر سنی قاباغا ایته لهدیلر و سن ده گئدیب قیرغین تؤرتدین. لاکن حاضردا غرب اؤزو گئری چکیلیب و توققوشان طرف تورکیهدیر. سن تورکیهیه لاییق دگیلسن. چونکو دموکراتییا آدی ایله تئرورو ایشه سالیبسان.
لاکن رجب طیب اردوغان عبرت گؤتورمک عوضینه همیشه اؤز عنادکارلیغیندا اصرارلیدیر.
مصرین سابق جمهورباشقانی محمد مرسی تئهراندا کئچیریلن قوشولماما حرکاتینین اجلاسیندا بؤلگه نین و سوریه نین وضعیتی ایله علاقه دار یانلیش تحلیل تقدیم ائتدیگی زامان اردوغان مورسی یه “اورا” دئدی و اؤز توئیتیر صحیفه سینده یازدی: محمد مورسی تئهرانداکی آچیقلاماسی ایله ایرانا مؤحکم سیلله ووردو! اردوغان یازمیشدی کی، بو سیلله عثمانلی امپئراتورلوغونون سقوطوندان سونرا ایرانا وورولان تایی اولمایان سیلله ایدی!
لاکن رئاللیق ایرانا قارشی سیاسی داردوشونجهلیلیک و ائتیکادان کنار سؤزلرین هئچ بیر مسئله نی دییشمهدیگینی گؤستردی. مرسی بو داردوشونجه لیلیگین کؤتگینی چوخ تئز یئدی و شبههسیز کی، دوزگون تحلیلی اولمایان و بورنونون اوجوندان اوزاغی گؤره بیلمهین هر بیر باشقا سیاستچی ده تکجه اؤزونو و اؤلکهسینی یئنی پروبلئملرله اوزلشدیریر.
