اوروم نیوز، ایران اسلام جمهورباشقانلیغینین قادین و عایله مسئلهلری اوزره معاونی اسلام امکداشلیق تشکیلاتینا عضو اؤلکهلرین قادینلارین مسئلهلری اوزره ناظرلرینین اجلاسیندا اشتراک ائتمک اوچون آذربایجانین پایتاختی باکی یا داخل اولوب.
ایرنا-نین معلوماتینا گؤره، شهیندخت مولاوئردی باکی یا داخل اولارکن آذربایجان جمهوریتینین عایله، قادین و اوشاقلارین مسئلهلری اوزره دولت کومیتهسینین صدری و بیر قروپ ایران رسمی سی طرفیندن قارشیلانیب.
قادینلارین گوجلندیریلمهسی، یوخسوللوغون آرادان قالدیریلماسی، دواملی انکشافین الده اولونماسی، ایش و قرارلاردا قادینلارین اشتراکینین آرتیریلماسی، جمعیتده قادینلار اوچون برابر فرصتلرین یارادیلماسی و قادینلارا قارشی کوبودلوقلا مبارزهیه شامل اولان بوتون آیری-سئچکیلیک فورمالارینین آرادان قالدیریلماسی باکی دا کئچیریلهجک دواملی اشتراکدا قادینلارین رولو ایکی گونلوک اجلاسین ایش گوندمینه سالینیب.
اسلام تشکیلاتینا عضو اؤلکهلرین قادینلارین مسئلهلری اوزره ناظرلرینین اجلاسی مختلف عضو اؤلکهلرین ائو صاحبلیگی ایله هر ایکی ایلده بیر دفعه اسلام اؤلکهلرینده قادینلار، اوشاقلار و عایله لرین وضعیتینین آراشدیریلماسی مقصدیله کئچیریلیر.
