اوروم نیوز، فخانین یایدیغی معلوماتا اساساً آزربایجان خارجی ایشلر باخانلیغینین سؤزجوسو، اسرائیللی جاسوس انسان اوچاقلارین بو اؤلکهدن قالخدیغینا دایر چیخان بازی خبرلره توخوناراق ” ایران، بوندان امین اولسون کی آذربایجان باشقا اؤلکهلرین عسگری اوسسو اولماز ” دئدی.
حکمت حاجی یئو ، ایران مئدیا هئیتی ایله دانیشیغیندا ، اسرائیللی انسانسیز هاوا آراچلارین (یها) بو اؤلکه تورپاقلارینداکی هاوا اوسلریندن قالخدیغینا دایر چیخان سؤزلره توخوناراق ” بو سؤیلنتی لر چیخار چیخماز بیز قایغی دویمایا باشلادیق و بونلاری ایرانلا آذربایجان آراسینداکی دوستولقجا و قارداشجاسینا ایلیشگی لردن راحاتسیزلیق دویانلار طرفیندن اورتایا آتیلان سؤیلنتی لر اولاراق نیتلهدیک. چونکو گئرچکده آذربایجان خالقی و حکومتی بو اؤلکه تورپاقلارینین اوچونجو بیر اؤلکه طرفیندن استفاده ائدیلمه سینه شدتله قارشی دیر ” دئدی.
حاجی یئو آیریجا، غرب مئدیاسی نین بو یؤندهکی قیشقیرتیجی گیریشیمینی خیالی بیر حکایه اویدورماق اولاراق بیلدیریب، ایرانلا آذربایجان خالق و حکومتلری آراسینداکی ساغلام ایلیشگی لر دئیینهرک ” بو سؤیلنتی لر اوزرینه بیز مختلف بیلدیریلر یایینلاییب بو سؤیلنتی لری رد ائتدیک.
آذربایجان خارجی ایشلر باخانلیغی سؤزجوسو حاجی یئو داها سونرا ایرانین تقدیره شایان درجه ده عسگری و مدافعه گوجو و بو دوغرولتودا بئله بیر انسانسیز اوچاغین هارادان قالخدیغینی آنلایا بیله جک تکنولوژیه صاحاب اولدوغونو بیلدیره رک ” ایران، بوندان امین اولسون کی آذربایجان باشقا اؤلکهلرین عسگری اوسسو اولماز ” دئیه علاوه ائتدی.
