اوروم نیوز، ایران مجلسی ملی گوونلیک کومیسیونو باشقانی، بو اؤلکهنین هر دوشمان قارشیسیندا دورا بیله جک گوجده اولدوغونو وورغولادی.
فخانین یایدیغی معلوماتا اساساً اسلامی شورا مجلسی ملی گوونلیک و خارجی پولیتیکا کومیسیونو باشقانی علاءالدین بروجردی دونن خرم آباد کندینده ” جهادی یؤنتیم و کولتور ” باشلیقلی بیر توپلانتیدا یاپدیغی قونوشمادا ” اسلام انقلابی رهبرینین کولتورون اکونومیدن داها اؤنملی اولدوغونا دایر بیاناتی دقته آلیناراق، اؤلکه ده کولتور و دینی کولتورون یایغینلاشدیریلماسی قونوسونا داها چوخ اؤزن گؤستریلمهسی گرکیر ” دئدی.
بروجردی داها سونرا ” ایران بیر نئچه مین ایللیک کولتورل کئچمیشی اولان بیر اؤلکه و بو آرادا دینی-اسلامی دگرین کولتورو ده، بو اؤلکهنین ایندی ده بؤلگهده ائتکین اولماسینا سبب اولموشدور ” افادهسینی ایشلتدی.
مجلس ملی گوونلیک و خارجی پولیتیکا کومیسیونو باشقانی بروجردی آیریجا، دونیا سیاستی آلانیندا ۵۷ اؤلکهنین یئر آلدیغینا دئیینهرک ” ایران بؤلگه و بو اؤلکهلر آراسیندا ان تأثیرلی اؤلکهلردن بیری. نیه کی بوگون بؤلگهده کریز ایچریسینده اولان دوغو، باتی، عراق و افغانیستان کیمی اؤلکهلر آراسیندا ایرانین ولایت باغلی کولتور درینلیگی ندنی ایله گوونلیک و استقرارینی هله ده قورودوغونا شاهد اولماقداییق. بونا گؤره، دونیانین سیاسی جغرافیاسیندا هله گوونلیکلی اولان تک ملت ایران ملتی دیر ” دئیه وورغولادی.
