به گزارش خبرنگار گروه فرهنگی پایگاه خبری تحلیلی «اروم نیوز»، همزمان با شبهای اقتدار، حماسه و غرور ملت ایران در خیابان؛ «مرتضی دوپیکر» از شاعران جوان میاندوآبی شعر حماسی و رجزخوانی جدیدی را سروده است.
این ابیات به شرح زیر است:
الیمیز ماشه ده دی منتظریخ سنگرده
گوزوموز امر و اشاراتِ حقِ رهبرده
الیمیز ماشه ده دی بیرده غلط ایلیه سن
سن اگر بیرده گلیب ایرانا یاوه دیه سن
وای اگر بیرده خطائیله حماقت ائده سن
وای اگر بیرده بو کشور ده جنایت ائده سن
قوی دییم بو سوزو دشمنلرین اولسون خبری
قویماریخ زرّه قالا دونیادا صهیون اثری
یاتماریخ، سنگرِ بو جبهه ده آماده بیزیخ
هامی میز متحدیخ رهبره دلداده بیزیخ
بوردا سوز بیردی، عمل بیردی، علی کشوریدی
کل ملت هامی تحت نظرِ رهبریدی
دولت و مردم و سرباز و نظامی بیردی
بیر هدف وار، اودا نابودیه مستکبیردی
فیکر ائدیب دشمن نادان گینه ده تفرقیه
آندولا حیدره بیز اوت سالاریخ منطقییه
تفرقه، فتنهنی مردمدی کی خاموش الدی
سیل تک، هر گجه میدانیده، خروش الدی
پوزاریخ بیرده سیزین خام خیالاتیویزی
بو سری بیز ویراریخ کلِّ ایلاتیویزی
قاره پیما لری بو جنگیده بیز رو ائلریخ
سیزی بو منطقه دن تزلیغا جارو ائلریخ
نام ایران یازیلیب جاودانِ تاریخه
آتاریخ بیز سیزی زباله دانِ تاریخه
دئدی سردار کی مردم سوزو آخیر دیه جاخ
دئدی اهدافیده مردم منه بیر بیر دیه جاخ
هر یری، نقطه نی سیز امر ایله سز بیز ویراریخ
دشمنین قامتِ پوشالی سینی سیندیراریخ
گلدی حکّامِ عرب غیرتین حراج الدی
شرفین ساتدی ازون موشکه آماج الدی
بیز ولی غیرتی بیر عالمه اعلان الدیخ
کل بو عالمی دلداده ی ایران الدیخ
جانفدا دور بو دیاره وطنین هر نفری
هانسی دشمن ییخاجاخ بیر بِله میلیون نفری
بوردا وار میلیونی لشکر، هامی آماده دیلر
بیر به بیر سیزلری دفن ایلماغا زنده دیلر
قویماریخ ردِّ پوتینین ده دوشه ایرانه
کل اسرائیلی یکسر قویاریخ ویرانه
اوجادار ملتیمیز حیدرِ کرار علمین
نصب ایلر قله ی بو عالمه احرار علمین
سالمیسان گر چه بو دریالری محاصریه
بو طریقی چکه سن بیزلری مذاکرییه
نه گوروبسن ازووی، بیر بئله یاوه دییسن
حله سن تنگه نی آشماخدا کمک استییسن
هدفین جنگیده، تغییرِ نظامین نوولوب؟
او هدف لر هامیسی تنگه ده خلاصه اولوب؟
بیر غلط ایله میسن قاشماغا یول یوخدو سنه
بو ابر قدرت آدی فیکر الیرم چوخدو سنه
اوزون اوز باشیوه آتش بسی تمدید ائدیسن
چوخ اوزون وار کی سورا ایرانی تهدید ائدیسن؟
بیل قمارین سنین آخیرده سنه مرگ اولاجاخ
بیلیرم تئزلیقا بو منطقه ده ترک اولاجاخ
کیش و مات ایلمیشیخ بیز سنی یوخدو خبرین
داخی بونان بئله بو کشوره اولماز خطرین
بیز سنی موشکیلن خانه خراب ایلمیشیخ
توکدقین قانلارا خاطیردی عزاب ایلمیشیخ
گیزلدیرسن ، سن اگر خار و خفیف اولماقیوی
هامی دنیا گوروب ایرانه حریف اولماغیوی
بیز ولی غیرتی بیر عالمه معنا الدیخ
سنی تاریخی بیز ایرانیده رسوا الدیخ
انتهای خبر/
