اوروم نیوز، ایران اسلام جمهوریتی رادیو و تئلویزیا تشکیلاتینین صدری باکی یا سفر ائدهجک. بو بارهده ایرانین آذربایجانداکی سفیری محسن پاک اآیین سحر کانالینین مخبری ایله مصاحبهده خبر وئریب.
محسن پاک آیین دئییب: ایرانین رادیو و تئلئویزییا تشکیلاتینین صدری عزت الله ضرغامی آذربایجانین رابیطه و اینفورماسییا تکنولوژیالار باخانینین دعوتی ایله بو هفته باکی یا سفر ائدهجک.
پاک آیین همچنین بیلدیریب کی، ایران اسلام جمهوریتی جمهورباشقانی جناب حسن روحانی نین باکی سفرینه حاضرلیق مقصدیله ایرانین خاریجی ایشلر باخانی محمد جاواد ظریفین ده آذربایجانا سفری استقامتینده لازمی ایشلر
گؤرولمکدهدیر.
ایران اسلام جمهوریتینین آذربایجانداکی سفیری سحر کانالی مخبری ایله مصاحبهسینین داوامیندا دئییب: جناب روحانی نین باکی سفرینه حاضرلیق مقصدی ایله ایکی دوست و قارداش اؤلکه آراسینداکی دیپلوماتیک سفرلر چرچیوهسینده گلن هفته ده آذربایجان جمهور باشقانینین عائله، قادین و اوشاق مسئلهلری اوزره نمایندهسی خانیم موللاوئردی تهرانا سفر ائدهجک.
محسن پاک آیین آذربایجان جمهوریتینین ناخچیوانا سفر ائتمک ایستهین ایران وطنداشلاری اوچون ویزا رئژیمینی لغو ائتمهسینی ایکی اؤلکه مناسبتلرینده مهوم آددیم آدلاندیریب و دئییب: ایکی اؤلکهنین اؤزل سئکتورلاری دا قارشیلیقلی امکداشلیقلاری سرعتله انکشاف ائتدیریرلر و آذربایجانلی ایش آداملاریندان عبارت بیر هئیتین مقدس مشهد شهرینه و
رضوی خوراسان ولایتینه اولان سفری ده محض بو استقامتده باش توتوب.
