اوروم نیوز، بلژیکین ایران اسلام جمهوریتینده کی یئنی سفیری فرانسوا دئلئ ایرانین خارجی ایشلر باخانی محمد جواد ظریف ایله گؤروشهرک، اؤز اعتبارنامهسینی تقدیم ائدیب.
سحر تئلئویزیاسینین ایسنا خبر آژانسینا اساسلاندیغینا گؤره، محمد جواد ظریف بو گؤروشده بؤلگه ده جریان ائدن اولایلار بارهده دئییب: منطقه نین شرایطینی نظره آلاراق، دئمک لازیمدیر کی، بعضی بؤلگه اؤلکهلری سوریه ده یانلیش سیاستلر ایزلهییرلر و بعضی لری ائله تصور ائدیرلر کی، سوریه ده افراطچی لار و دولت بیر-بیریلرینی محو ائتمکله مشغولدورلار. آما بو نؤع باخیش وضعیتین داها دا قاریشماسینا سبب اولور.
ظریف ایران اسلام جمهوریتی و ۵+۱ قروپو آراسینداکی نووه مذاکرهلرینه ده اشاره ائدهرک، دئییب: ایران اسلام جمهوریتی ایران خالقینین حقوقلارینی نظره آلمایان هئچ بیر آنلاشمانی قبول ائتمه یهجک.
بلژیکین ایرانداکی یئنی سفیری فرانسوا دئلئ ده بو گؤروشده ایکی اؤلکه مناسبتلرینین مختلف ساحه لرده داها دا یاخشیلاشاجاغینا اومیدوار اولدوغونو بیلدیریب.
