اوروم نیوز، ایران اوزای قورومو باشقانی، ایرانین گله جک ۴ ایل ایچریسینده اوزایا انسان گؤندره جگی و هابئل تئلئسکوپونا بنزر بیر تئلئسکوپون دوزه دیلمه سی اوچون آراشدیرمالار یاپیلدیغینی سؤیلهدی.
مخانین خبرینه گؤره، دونیا اوزای هفته سی چرچیوه سینده گئرچکلشن مئدیا توپلانتیسیندا، اوزایین انسانلارین یاشاملاری اوزریندهکی ائتکیسی حاققیندا دانیشان ایران اوزای قورومو باشقانی، حامد فاضلی، توم دونیا دولتلری و انسانلارینین، دونیا اوزونده قوتلانان بو هفته ایچریسینده چالیشمالارینی گؤستره بیلمه فرصتی یاخالادیقلارینی بیلدیردی.
فاضلی سؤزلرینین دوامیندا ایسه ایران اوزای قورومونون پلانلاری حاققیندا دانیشاراق، ” بیر تئله کومیناسیون اویدوسو دوزه لتمک و بو اویدویو دونیا مداریندا یئرلشدیرمک، قوروموموزون برنامه لری آراسیندادیر و بو چرچیوهده، ناهید و شریف فاتح آدلی ایکی اویدو، اوزایا گؤندریلمک اوچون حاضرلیریق. اویغولانان تحریملردن سونرا یؤرونگهلری قوروماق آچیسیندان بؤیوک سورونلار یاشادیق. تیلویزیون کاناللاریمیز بئله کسیلدی. آما گئلیشن موزاقرل و ۵+۱ گروبو ایله یاپیلان آنلاشمالار سونراسیندا، بو یاپتیریملار قیسمن قالدیریلدی. آما توم بونلارا رغما، باشقا اؤلکهلردن باغیمسیز حرکت ائده بیلمک اوچون، ایران استحصالی اویدولار قاییرماق و تلوید ائتمک ایسته ییریک ” دئدی.
قورومون ایکینجی برنامه سینین اوزاخدان کنترل ائدیله بیلن بیر تئلئسکوپ استحصالی اولدوغونو سؤیله ین فاضلی، ” بو تئلئسکوپونون اولا بیلیرلیگی قونوسونداکی آراشدیرمالارا باشلادیق. بو آراشدیرمالاردان سونرا اصیل مرحله یه کئچه جه ییک.
فاضلی سؤزلرینین دوامیندا ایسه ” دونیاداکی اوزای گوجلری، انسانلاری اوزای کپسوللارینا یئرلشدیرهرک، انسانلارین اوزایا گئتمهسینی گئرچکلشیردی. بیز ده دونیا یؤرونگهسینین آلتینا یولچولوق ائتمگی هدف ائتمیشیک.
بو کپسولون داشی ییجی سی، ۱ تونلوق آغیرلیق داشییا بیلمهلی. کپسولون استحصالی ایسه آپولو، دراگو، سایوزا بنزر اولاجاقدیر.بو ایل ایچریسینده ، انسان دیشی بیر جانلی نی اوزایا یوللویاجاییق، آما ۴ ایل ایچریسینده ، انسان داشیان بر کپسولو دونیا یؤرونگهسینه گؤندره جه ییک دئدی.
