ماکی دا قورولان جودو یاریشمالاریندا اورمیه جودوچولاری قهرمان اولدولار.
اوروم نیوز، ماکی شهرینده قورولان غربی آذربایجان جودو یاریشمالاری اؤز اوستون نفرلرینی تانیدی.
بو یاریشمالاردا ۷۰ نفر ایدمانچی ۱۱ شهردن اشتراک ائدیردیلر و سونوندا اورمیه کامانداسی اوچ قیزیل، بیر گوموش و بیر بورونز مئداللا بیرینجی اولدو.
اوردوموزون ۴۱-جی تیپینین ایدمانچی لاری دا ۳ قیزیل مئداللا ایکینجی اولدولار.
بوکان شهرینین کامانداسی دا بیر قیزیل مئداللا اوچونجولوگه ال تاپدیلار.
حسین شاکر، طاهر شعبانی و مهدی میرابی اورمو ۴۱-جی اوردو تیپیندن، احسان خورشیدی، علی مختاری و جواد فرج پور اورمیه دن و علی پرنیا بوکاندان بو یاریشمالاردا قیزیل مئدال آلدیلار.
ماکی شهری غربی آذربایجانین ان شمالی شهری دیر و ۱۰۰ مین نفر نفوسا مالک اولاراق، ایکی خارجی اؤلکه ایله ده قونشودور.
