اؤلکه میزین آذربایجان جمهوریتینده اولان کئچمیش سفیری دئییب: خزر یانی اؤلکه لرده تهلوکهسیزلیکله باغلی، اکولوژیا ایله باغلی سندلر امضالانیب. بیر نئچه گونه هشترخاندا خزریانی اؤلکهلرین زیروه توپلانتیسی اولاجاق، اورادا دا مذکرهلر اولمالیدیر.
کئچمیش ائلچی سلیمانی آرتیریب: بالیقچیلیق، گمیچیلیک، اکولوژیا، تهلوکهسیزلیکله باغلی راضیلیقلار الده اولونوب، سندلر امضالانیب و ۵ اؤلکهنین پارلامنئتینده ده راتیفیکاسییادان کئچیب آما اساس مسله طبیعی کی، حقوقی استاتوس مسئله سی دیر و مسئله ایله باغلی دانیشیقلار داوام ائدهجک.
او وورغولاییب: ۳۵دفعه خزر یانی اؤلکهلرین نمایدهلری دانیشیقلار آپاریبلار و بو دانیشیقلار یئنه ده داوام ائدهجک. خزر دنیزینین رئسوسلاریندان استفاده ده پروبلئملر وار و اونا گؤره ده راضیلیق الده اولونانا کیمی دانیشیقلار داوام ائدهجک. ۵ اؤلکهنین هامیسی بو مسله ایله راضیلاشمالیدیر.
سلیمانی سوندا خاطرلاییب: دوزدور ایکی طرفلی، اوچ طرفلی راضیلیقلار وار، آنجاق بئش طرفلی راضیلیق یوخدور. ایرانین دا مؤوقعی بئلهدیر کی، هم ایکی طرفلی، هم ده ۵ طرفلی دانیشیقلار داوام ائتسین. قارشیداکی توپلانتیدا دا چوخ گومان کی، خزر دنیزینین ستاتوسو ایله باغلی یئنیلیک اولمایاجاق.
