اوروم نیوز، جمهورباشقانلیغی سایتیندا یئرآلان معلوماتا گؤره ایران اسلام جمهورباشقانی و تورکیه جمهورباشقانی گؤروشوبلر.
بو گؤروشده کی نیویورکدا باش توتوبدور، ایکی طرف اؤلکه لر آراسی علاقه لرین انکشاف یوللاری قونوسوندا دانیشیبلار.
روحانی بو گؤروشده بؤلگه ده یاشانان مسئله لرده مصلحتلشمه لر و امکداشلیغین اهمیتینه توخوناراق، دئییب: یاشادیغیمیز بؤلگه داواملی ثابیتلیک و تهلوکهسیزلیگین شاهدی اولمالیدیر و بونون اوچون بؤلگه نین بؤیوک دؤولتلری قرار قبول ائتمهلیدیرلر.
ایران اسلام جمهورباشقانی داها سونرا دئییب: بؤلگه ده تهلوکهسیزلیک مسئله سی واحد بیر مسئلهدیر و ایستهنیلن نقطه ده یاشانان گرگینلیک بؤلگه نین عمومی وضعیتینه تأثیر ائتمیش اولاجاق.
تورکیه جمهورباشقانی دا بو گؤروشده بوندان اؤنجه ایران و تورکیه استراتئژی علاقه لر شوراسیندا ایکی اؤلکه آراسیندا الده اولونموش آنلاشمالارین اجراسینا تأکید و اومیدوارلیق ائدیب کی، ایران و تورکیه آراسینداکی اقتصادی مبادلهلرین حجمی ۲۰۱۵-جی ایلین سونونا کیمی ۳۰ میلیارد دولارا چاتسین.
