غربی آذربایجانی نین پلیس قوه لرینین کاماندری اورمو شهرینده ۶۰ کیلو هروئینین قاچاقچیلاردان ضبط ائدیلدیگینی سؤیله دی.
پلیس خبر سایتینین یازدیقلارینا اساسلاناراق، سردار” یحیی شرفی” دئدی: پلیس بیر سیرا مرحمانه و سرّی آختاریشلار و نظارتلردن سونرا، بیر گروه بین الخالق قاچاقچی لارینین غربی آذربایجاندا فعالیت ائتدیگینی تثبیت ائتدی.
غربی آذربایجان پلیس قوه لرینین باشقانی آرتیردی: بو قاچاقچیلار، مخدره و اویوشدوروجو ماده لری تریلی لرله آوروپایا داشیییرمیشلار.
او سؤیله دی: پلیس ائده بیلدی بو گروهو تانیماقلا برابر، بیر ضربتی عملیاتدا گروه باشقانی و اصلی عضولریندن بیرینی یاخالایا.
سردار”شرفی” قئید ائتدی: ها بئله بو توتوقلانان شخصلردن ۶۰ کیلوگرم هروئین کشف ائدیلدی.
غربی آذربایجان پلیس قوه لرینین کاماندری بونو قئید ائده رک کی بو گروهون او بیری عضولرینی یاخالاماق چالیشیقلاری جدیتله دوام ائدیر،سوندا خاطرلاتدی: توتوقلانان شخصلردن ۱۵۰ میلیارد ریالا یاخین مال و ملکلری توقیف اولوندو.
