اوروم نیوز- حجت الاسلام والمسلمین سید”مهدی قریشی” اورمو شهرینده تشکیل تاپان نظامی و انتظامی قوه لرین رژه مراسمینده، غربی آذربایجانلیلارین ۸ ایل قوتسال مدافعه زمانیندا گؤستردیگی رشادتلر و قهرمانلیقلارا اشاره ائدرکن دئدی: آللاهین عنایتی اولمادان، ائده بیلمزدیک بو چتین دؤوردن باش اوجالیقلا چیخاق.
او آرتیردی: غیبی امدادلار و ملتیمیزین دینه و اسلامام اخلاصی بو ایشه اولدو.
دکتر”قریشی” قئید ائتدی: ساواشین باشلاندیغی گونلرده، بیر سیرا لیبرال شخصلرین مملکتین مسئوللاری اولدوغونا گؤره، دوشمن بیر پارچا تورپاقلاریمیزی ائده بیلدی اشغال ائتسین، آما بسیج و انقلابی ملتین یادلاردان سیلینمه ین شجاعتلری ایله بو تورپاقلار گئری آلیندی و دوشمنین دیزی یئره چؤکدو.
اورمونون جمعه امامی و غربی آذربایجان ولایتینده اولان ولی فقیه نماینده سی خاطرلاتدی: قوتسال مدافعه دؤورانی، اؤلکه میزین ان پارلاق و ان شانلی دؤورانلاریندان بیری دی. نیه کی ائده بیلدیک ایلک دفعه اؤز آیاغیمیز اوسته و کیمسه یه احتیاجیمیز اولمادان یوردوموزو دوشمانلاردان قورویاق.
حجت الاسلام” قریشی” سوندا بونو قئید ائده رک کی نظامی قوه لریمیزین آییق و دائم آچیق گؤزلرله اؤلکه نی قوروماغا حاضر اولدوقلارینا تانریا شوکر ائتمه لی ییک، وورغولادی: بوگون دوشمن ساواش جبهه لریندن نتیجه آلمادیغی اوچون کولتورل و اقتصادی بؤلوملرده بیزیمله ساواشا گیریب و یئری وار آرتیقراق اسلامی اؤلکه میزین مدافعه سی قونوسوندا چالیشاق.
