سهرۆک ئهمریکی ئهوه دهرخست ک جاریگتر وڵاتهیل یهکگرتگ بهشداری له جهنگیگ زهمینی نهکا له عراق
باراک ئۆباما سهرۆک ئهمریکی ئهوه دهرخست ک جاریگتر وڵاتهیل یهکگرتگ بهشداری له جهنگیگ زهمینی نهکا له عراق و ههر وهی خاتریشه دڵنیایی دا هاووڵاتیهیل ئهمریکی لهشوون ئهوهک جهنراڵ گهوریاگ ئاماژه وه بڵاوکردنهوهی بڕیگ له هیزهیل جهنگکهر کرد.
ئۆباما له وتاریگی له ولایهت فلۆریدا ک(شهفهق نیوز)ئاگاداری بوی، وت: پهلامارهیل ئاسمانی ئهدێده بهشداری سهرهکی له جهنگ دژ داعش له عراق، یهیش بیجگه دامهزرانن هاوپهیمانییگ ک فیشتر له ۴٠ دهوڵهت ئهگریده خوهی.
سهرۆک ئهمریکی ههمیش وت: ئهخوازم وه ئاشکرا قسه بکهم ک هیزهیل ئهمریکی له عراق ئهرکیگ جهنگکردن نهیرن و وهپیان نهدریاگهو منیش جوور سهرکردهی باڵا جاریگتر هیزهیل چهکدارمان ناخهمه ناو جهنگیگ زهمینی له عراق.
